[center]
عن طريق البرنامج ده تقدر تعمل:- تدخل على ايميلك الهوت ميل و تعمل شات مع اي contact عندك
- نفس الكلام برده مع الياهو
- وكمان Google Talk وكله في نفس البرنامج في وقت واحد
- دا غير ان بيبقالك نك نيم لشات البرنامج نفسه تقدر تضيف Contacts زي الهوتميل و الياهو
- والاحلى من كده ان في Chat rooms واغلبها عربي تقدر تشيت مع اي حد فيها
- والميزة الاهم ان البرنامج مبيستهلك كيلوبيتات كتير عشان ميسحبش منك رصيد لان نت الموبيل بحجم البيانات مش بالوقت زي الكمبيوتر (تقريبا الكيلو بايت ب قرش ونص ده اول ما طلع نت الموبيل)
كل ده عن طريق الموبيل بخدمة الLive عن طريق ال GPRS
طبعا هتسالوا بيخصم اد ايه من الرصيد
البرنامج الاول بيشتغل على اي شبكة موبينيل او فودافون او اتصالات
بالنسبة لاتصالات و عن تجربة شخصية اليوم كله بيقف عليك بجنيه واحد بس تخيل !!
اما بقية الشبكات فمش عارف بصراحة بس سمعت ان فودافون نفس النظام برده بجنيه اما موبينيل فهسيب لكم التجربة
تخيل تبقى مثلا في الشارع على الكافتيريا
او في محاضرة خنيقة ( عارف احنا في اجازة )
او مسافر مسافة بعيدة وراكب ميكروباص او بيجو او سوبرجيت او حتى عربية كارو
في القطر مثلا وعايز تعرف نتيجة الماتش ادخل على الشات واسال اي حد هيرد عليك
دا غير انه في ميزة ارسال رسائل نصية قصيرة دولية وعمل مكالمات دولية بسعر ارخص وبتشحنله كرت من نفس نوع شبكتك ( متسالوش ازاي لان مجربتش )
وكمان ممكن تبعت صورة ليك لاي حد شغال اونلاين
الخلاصة العالم كله هيبقى بين ايديك في اي مكان واي زمان والنيا بتشتي او والجو حر
البرنامج متوافق مع
النوكيا
الموتورلا
السيمنز
البوكيت بي سي
--------------------------------------------
طريقة تحميل البرنامج والتسجيل فيه
اولا : لازم طبعا تكون مظبط خدمة اللايف على موبيلك و تكون مشترك فيها لو انت مش مشترك اتصل على رقم خدمة العملاء الخاص بشبكتك و هما يشغلوهالك
ثانيا: هتفتح متصف النت في موبيل ( وكلن على حسب نوع جهازه) وهتكتب العنوان ده
wap.mig33.com لازيادة ولا ناقص
هيفتح لك صفحة انك تعمل تسجيل في الموقع سجل عادي خالص زي اي منتدى بل ابسط كمان وهيطلب منك رقم موبيلك عادي خالص ومتخفش لانه هيبعتلك رسالة على موبيلك فيها رقم تفعيل الاشتراك
هتلاقي بعد كده كلمة download now
اخترها و البرنامج يختار النوع المتوافق لجهازك تلقائيا ويبدا تحميل البرنامج على جهازك ( حجمه صغير جدا حوال 97 كيلو بايت )
بعد اكده افتح البرنامج و هيرشدك على بقية الخطوات الي هتعملها اول مرة بس وبعد كده
عيــــــــــــــــــــــــــــش حياتك وادعيلي
----------------------------
صور للبرنامج : ( معلش الصور مش من جهازي لاني معرفش ازاي اصورة صور من جهازي )