shababmisr

عـيـش جــو مــصـر
 
البوابةالرئيسيةالتسجيلدخول
دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر
المواضيع الأخيرة
» online no deposit casino bonuses
الخميس أغسطس 04, 2011 4:00 am من طرف زائر

» fish oil supplements reviews
الأربعاء أغسطس 03, 2011 12:06 pm من طرف زائر

» مèيهêîëîمèے ىîëî÷يèِà
الإثنين أغسطس 01, 2011 11:46 pm من طرف زائر

» ïًîمًàىىû نëے êîىïü‏ًٍà
الأحد يوليو 31, 2011 8:29 am من طرف زائر

» دًîنâèوهيèه يهèçلهويî
السبت يوليو 30, 2011 9:11 pm من طرف زائر

» generic cialis canada
الجمعة يوليو 29, 2011 11:41 pm من طرف زائر

» حل مشكلة توقف التحميل فى برنامج internet download manager أو عدم امكانية استكماله
الخميس ديسمبر 24, 2009 3:12 pm من طرف امبراطور الشرق

» عايزه اسمع سلام يهز مصر
الثلاثاء ديسمبر 22, 2009 10:41 am من طرف khaled

» المنتدى كانه مش موجود
السبت ديسمبر 19, 2009 11:54 pm من طرف makazika

» كلمات رائعة والأروع أن تقرئها
الإثنين ديسمبر 14, 2009 12:49 am من طرف امبراطور الشرق

» حروف الماس.......
الأحد ديسمبر 13, 2009 4:30 pm من طرف سندريلا الشرق

» الفرق بين الفاشل والناجح !!!!
السبت ديسمبر 12, 2009 2:20 am من طرف امبراطور الشرق

» سألت امرأه عجوز عن الحب فأجابت !!!
الجمعة ديسمبر 11, 2009 9:10 pm من طرف امبراطور الشرق

» أعظم لغات الــحــــب
الجمعة ديسمبر 11, 2009 8:44 pm من طرف سندريلا الشرق


شاطر | 
 

 ...شوية اسئلة حريمي ..ارجو التعليق

اذهب الى الأسفل 
كاتب الموضوعرسالة
fanta
@ عضو جديد @
@ عضو جديد @


ذكر
عدد الرسائل : 11
العمر : 32
مكان الآقامه : الجنة ان شاء الله
المزاج : ميت فل و14
تاريخ التسجيل : 25/01/2008

مُساهمةموضوع: ...شوية اسئلة حريمي ..ارجو التعليق   الثلاثاء فبراير 12, 2008 2:09 am

هذه الرساله وصلتنى من احدى الصديقاات وارجو ابداء ارائكم بهاا وخصوصا الاناااث

انا واحدة ست ومكتوبة في البطاقة انثي بس بجد فيه حاجات في الستات بتثير تساؤلي وببقى مش فاهمة هم بيعملوا كده ليه

مش كل الستات طبعا انا اعرف ستات مش بيعملوا التصرفات الغريبة دي بس معظم الستات بتعمل الحاجات دي
اولا: ممكن افهم ليه الستات بتفرح لما راجل بيقول لها انت حلوة؟ هو انت البعيدة ما عندكوش مريات في بيتكوا تعرفي منها اذا كنتي حلوة وللا مش حلوة؟
انا اعرف واحدة هي حلوة وامورة وكل حاجة، بس لو قعدت نص ساعة من غير ما راجل يعاكسها تدخل الحمام تشلفط وشها بالوان كتير قوي وتيجي تاني يوم صابغة شعرها بلون جديد، طيب يعني دول زمايلنا في الشغل، يعني اول يوم ح يقول لك انت حلوة، تاني يوم، تالت شهر لكن مش معقول على مدى اربع خمس سنين يقعد كل يوم يقول لك انت حلوة ده حتى تبقى مسخت قوي
ثانيا: ممكن اعرف لما جوزك وللا خطيبك وللا حبيبك بيخونك او يسيبك عشان واحدة تانية، ممكن اعرف بتكرهيها هي ليه وتصبي جام غضبك عليها وتتندري بيها في المحافل الدولية وتنزلي فيها شتيمة بينما ما تجيبيش سيرته هو باي حاجة وحشة مع انه هو اللي خانك مش هي؟ ولو رجع لك بتسامحيه وبرضه تفضلي تشتمي فيها هي وما تسيبيش مخلوق الا لما تقولي له انها كذا وكذا وكذا ومعظمها في منطقة الاعراض على رأي كريم عبد العزيز، ليه؟ لييييييييييييه؟
طيب هو لما بيرجع لك وطبعا اول سؤال بتسأليه: وهي فيها ايه زيادة عني؟ هو اكيد بما انه عايز يرجع مش ح يقول لك هي احلى ولا اظرف ولا اذكى ولا بارتاح معاها في الكلام ولا حبيتها ولا اي حاجة من دي عشان هو مش عايز مشاكل، فطبعا يقول لك: والله دي ضحكت عليا واكلت دماغي وورطتني ولقحت جتتها عليا وخلافه
طب انت البعيدة ما عندكيش مخ؟ ما عندكيش عنين تشوفي بيها هي متميزة عنك في ايه؟ ما عندكيش قدرة تميزي بيها انه هو اللي طفس وعينه فارغة مثلا؟
بصراحة الرجالة في النقطة دي اعقل، لانه بيصب جام غضبه وانتقامه على الست اللي خانته مش على الراجل التاني
ثالثا: ممكن اعرف لما بتدي البوز المتين وهو يقعد ساعة يسألك مالك ما بتقوليش مالك ليه؟ طيب بوزتي عشان زعلانة حقك، طيب مش تقولي زعلانة من ايه وللا ح تفضلي مبوزة كده وهو يضرب الودع عشان يعرف سبب البوز ايه؟
رابعا: ممكن اعرف لما راجل بيغازلك بحاجة انت عارفة ومتأكدة انها مش فيكي بتفرحي ليه؟ المفروض تزعلي لان ده مالوش غير معنيين: إما انه بيتريق عليكي، او انك صعبانة عليه وبيجبر بخاطرك....يبقى ايه اللي يفرح؟
خامسا: ليه لما اي واحدة صاحبتك تقول لك رأي ما يعجبكيش ولما راجل يقول لك نفس الرأي تحسسيه انه جاب التايهة وانه قال الكلام الدرر وتسمعي كلامه على طول كأنه منزل؟
سادسا: يعني ايه عايزة راجل شخصيته اقوى من شخصيتي حضرتك؟ وايه مفهومك للراجل اللي شخصيته قوية؟ يعني يشخط ويزعق ويقول لك ما تكلميش ده وكلمي ده ورايحة فين وجاية منين ويكبس على نفسك صح؟
طيب لما بتتجوزي واحد غبي فيه كل المواصفات دي بتكتئبي ليه وتتخني وتقعدي تعيطي عمال على بطال؟ مش انتي اللي عايزة كده؟
انت ما تعرفيش ان قوة الراجل في انه يتحكم في اعصابه مش في انه يبقى طور بينطح؟
سابعا: مين اللي فهمك ان القعدة في البيت مرتبطة بالفلوس وبس؟ ومين قال لك انك لما تقعدي في البيت مش ح يجيلك تخلف واستبحس؟ وليه طول ما انت بتشتغلي عايزة تقعدي في البيت وطول ما انت بتقعدي في البيت عايزة تشتغلي؟
ثامنا: مين اللي فهمك ان عيالك ملكية خاصة تعملي فيهم اللي انتي عايزاه ومحدش له حق يحاسبك؟
تاسعا: اذا كان جوزك بيعاملك وحش وانت قاعدة معاه عشان العيال بتضربي العيال ضرب غرائب الابل ليه هم مالهم؟
عاشرا: بدل الشكوى العمال على بطال والزن الزن الزن مش بتاخدي خطوات تاخدي بيها حقك بدراعك ليه؟ انت كتعة؟
حادي عشر: ليه لما واحد بيحبك ويقيد لك صوابعه شمع تتملعني عليه لحد ما تقعي على جدور رقبتك في واحد يطلع عليكي القديم والجديد وتستحمليه والجزمة في بقك؟
ثاني عشر: بقى بذمتك الكلام السم اللي بتقوليه لصحباتك البنات عشان تحطمي بيه صورتهم قدام نفسهم تقدري تقولي ربعه لجوزك وللا انت تخافي ما تختشيش؟
ثالث عشر: ليه بتغيري لما عيالك يحبوا ابوهم؟ هو الاب ده كومبارس صامت في البيت ؟ مش هو له حق في العيال اللي مكتوبين على اسمه؟
رابع عشر: اساسا ليه بتسيطري على الولاد وفعلا تحجمي سلطات ابوهم لحد ما يبقى كومبارس صامت؟ دي انا عارفة اجابتها، عشان يحبوكي اكتر...هو جوزك ده ضرتك؟
خامس عشر: ليه بتطوعي بتضحيات لجوزك وولادك ماحدش فيهم طلبها منك وتحملي نفسك فوق طاقتك لحد ما يعتبروا التضحيات دي حق مكتسب ولما تفيصي في يوم وما تقدريش تقدمي التضحيات دي وما يعذروكيش ترجعي تزعلي؟ مش انت اللي عودتيهم على كده؟ حد طلب منك؟
سادس عشر: ليه لما بتمسكي جوزك تسلخي وشه وتقولي له انا باعمل كذا وكذا وكذا وكذا وترصي له لستة التضحيات ويرد عليكي ويقول لك: والله ما حدش طلب منك كل ده...ليه لما بيقول كده ما بتقوليش له طيب وانا من النهاردة ح ابطل ده كله مدام مش مهم عندك وانت ما طلبتوش؟ ليه تفضلي تعملي نفس التضحيات وبرضه زعلانة ومتبرمة؟
سابع عشر: ليه لما الراجل بيكسل في مسئولياته بتعمليها بداله؟
ثامن عشر: ليه بتحبي ولادك الصبيان اكتر من البنات وليه بتفهمي ابنك انه اهم كائن في الكون وان الدنيا بتدور في فلكه وتعملي كل حاجة بداله....وبدل جوزك طبعا مع انهم مش عايزين ده منك؟
انت فاكرة ان دي تضحيات؟ لا ده شر منك حضرتك؟ انت فاكرة انك بتكبلي جوزك وولادك بجمايلك لكن بعد الشوية الجمايل بتبقى عادة وحقوق وبرضه ما بيتكبلوش
تاسع عشر: ليه لما بتتخطبي او تتجوزي كل تفكيرك بينصب على احتياجات جوزك وازاي تلبيها له عشان تحتفظي بيه وعمرك ما بتسألي نفسك انت محتاجة ايه؟ مين اللي فهمك انك عبد حبشي؟ ومين اللي فهمك انك لما تواصلي في الاهتمام باللي حواليكي على حساب نفسك مش ح تجيليك لحظة تنفجري انفجار ممكن يهد البيت كله؟
عشرين: ليه بتحطي اخوات جوزك البنات ومراتات اخواتك الصبيان في دماغك؟ لا انت ح تتجوزي اخوكي عشان تغيري من مراته ولا اخوات جوزك ح يتجوزوه عشان تغيري منهم
واحد وعشرين: ليه ولادك لازم يطلعوا زي ما انت عايزة مش زي ما هم عايزين؟ وليه بتعيطي عشان تبتزيهم وتعملي زي ميمي شكيب: قلبي قلبي قلبي؟
اتنين وعشرين: ليه بتحبي تصعبي على الناس؟ وليه بتحسي ان قوتك في انك تبقى غلبانة؟ انت شحاتة وللا حاجة؟
تلاتة وعشرين: ليه مؤخرا انتشرت ظاهرة المزة المؤدبة؟ ماهو يا مزة يا مؤدبة...منى زكي هي السبب مش كده؟
اربعة وعشرين: ليه عارفة كل ده ومصممة ما تغيرهوش؟
الرجوع الى أعلى الصفحة اذهب الى الأسفل
غاوى مشاكل
( احلى عضو )
avatar

ذكر
عدد الرسائل : 348
العمر : 28
مكان الآقامه : جوة قلبى فى مكان اسمه مصر
المزاج : الحمد لله زى الفل
رقم العضويه : 6
تاريخ التسجيل : 21/10/2007

مُساهمةموضوع: رد: ...شوية اسئلة حريمي ..ارجو التعليق   الأحد فبراير 24, 2008 3:17 pm

ههههههههههههههه يخرب بيت مخك موضوع جامد اوووووووووووى مشكور فانتا باشا
الرجوع الى أعلى الصفحة اذهب الى الأسفل
http://shababmisr.ahlamontada.com
مستر بوب
( عضو مشارك )
avatar

ذكر
عدد الرسائل : 89
رقم العضويه : 8
تاريخ التسجيل : 03/11/2007

مُساهمةموضوع: رد: ...شوية اسئلة حريمي ..ارجو التعليق   الإثنين مارس 24, 2008 7:21 pm

ههههههههههههههههههههههههههههه اية دة ياعم فانتا والله العظيم انت جيبت من الاخر بس على فكرة لو فية بنت قرات اللى انت كاتبة دة وشافتك مش عارف هيحصلك اية بس متخفش وراك رجالة
الرجوع الى أعلى الصفحة اذهب الى الأسفل
روميو
* عضو مميز *
avatar

ذكر
عدد الرسائل : 189
العمر : 29
مكان الآقامه : مصر
المزاج : سعيد
تاريخ التسجيل : 28/02/2008

مُساهمةموضوع: رد: ...شوية اسئلة حريمي ..ارجو التعليق   الثلاثاء مارس 25, 2008 12:38 am

ههههههههههههههههههههههه جامده
الرجوع الى أعلى الصفحة اذهب الى الأسفل
 
...شوية اسئلة حريمي ..ارجو التعليق
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
shababmisr :: شباب مصر - الاسره والطفل :: عالم حواء-
انتقل الى: